🔻 Joriy yilning 28-mart kuni Xalqaro innovatsion universitetda Qarshi shahar favqulodda vaziyatlar bo'limi bilan hamkorligda “Favqulodda vaziyatlardan muhofaza qilish va fuqaro muhofazasi oyligi” doirasida targ’ibot va tashviqot tadbiri tashkil etildi.

👩‍🚒 Mazkur tadbirda Qarshi shahar FVB hodimlari va tezkor bo'linmasi boshlig'i leytenant N.Abduxalilov tomonidan talabalarga yong‘in xavfsizligi qoidalari, favqulodda vaziyatlarda to‘g‘ri harakat qilish tartibi, shuningdek, birlamchi yong‘in o‘chirish vositalaridan foydalanish bo‘yicha amaliy ko‘nikmalar berildi.

🔹 Mashg‘ulot davomida yong‘in sodir bo‘lganda tezkor harakat qilish, jabrlanganlarga birinchi tibbiy yordam ko‘rsatish hamda evakuatsiya qoidalari tushuntirildi. Ushbu tadbir yong‘inning oldini olish va xavfsizlik choralari bo‘yicha xabardorlikni oshirishga xizmat qildi.