Xorijning nufuzli oliy ta’lim muassasalari bilan olib borilayotgan o‘zaro hamkorlik aloqalarining samarasi sifatida joriy yilning 25-mart kuni Xalqaro innovatsion universitetda Turkiyaning Otaturk davlat universiteti ilmiy-tadqiqot bo‘limi direktori, f.f.d., professor Husayn Boydemirning Filologiya va tillarni o‘qitish (o‘zbek tili) 1-kurs talabalariga O‘zbek folklori fanidan “Xalq dostonlari” mavzusida navbatdagi ma’ruzasi bo‘lib o‘tdi. 

🎓 Ushbu ma’ruzada bugungi kunda barcha turkiy xalqlar folkloridagi dolzarb muammolar, o‘zbek va turk folklori, dostonlarning leksikasi xususida to‘xtalib o‘tdi. Shuningdek, olim o‘z mamlakatlaridagi tarixiy dostonlar haqida ma’lumot berib, barcha turkiy xalqlar yagona xalq og‘zaki ijodi obrazlarini o‘rganish va jadallashtirish muhimligini ta’kidlab o‘tdi. 

📚 Basharti, turkiy davlatlar o‘rtasida yagona obrazlar tizimi masalasi ko‘tarilgan ekan, bu qanday g‘oya, nimaga xizmat qiladi, nega kerak, qanchalik yashovchan va O’zbekiston xalq og‘zaki ijodi adabiyoti, madaniyati rivojida qanchalik ahamiyat kasb etishi xususida ham o‘z fikr-mulohazalari bilan o‘rtoqlashdi. 

🔆 Professor Husayn Boydemir tomonidan o‘tilayotgan darslar talabalar va professor-o‘qituvchilarda katta qiziqish uyg‘otdi.